.

.

Join The Community

Premium WordPress Themes

Wednesday, April 23, 2014

AJALI YA GARI YA MAGEREZA NA LORI YAUA WANNE

Ajali mbaya imetokea siku ya jana maeneo ya Mkenge wilaya ya Mkuranga kati ya gari ya magereza iliyobeba mfungwa ikitokea Kimanzichana kuja Mkuranga mjini,askari magereza watatu wamefariki dunia na mfungwa mmoja amefariki pia.Chanzo cha ajali ni dereva wa gari ya magereza kuhama eneo lake na kulifuata lori upande wake.Dereva wa gari ya magereza amepata majeraha kidogo.

TAMKO LA KULAANI VURUGU KATIKA BUNGE MAALUM LA KATIBA


wanafuzi_4dd6a.jpg
Mwanafunzi kutoka Chuo Kikuu cha Dar es Salaam Gulatone Masiga akifafanua jambo kwa waandishi wa Habari(hawapo pichani), kushoto ni Acbert Sweya kutoka Chuo Kikuu cha Kampala wakati wa Mkutano uliofanyika katika Ukumbi wa Idara ya Habari(MAELEZO) Leo Jijini Dar es Salaam.
VIJANA WAZALENDO WA VYUO VYA ELIMU YA JUU DAR ES SALAAM
TAMKO LA KULAANI VURUGU ZINAZOJITOKEZA KATIKA BUNGE MAALUM LA KATIBA.
Sisi wanafunzi  wasomi katika vyuo vikuu mbalimbali vilivyoko Dar es Salaam (Chuo Kikuu cha Dar es Salaam (UDSM); Chuo Kikuu cha Ardhi (ARU); Dar es Salaam University College of Education (DUCE); USTAWI WA JAMII; Chuo Kikuu cha Mtakatifu John (St. John); Chuo cha Usimamizi wa Fedha (IFM); Open University of Tanzania (OUT); Kampala International University (KIU); Dar es Salaam Institute of Technology (DIT); Institute of Adult Education (IAE); Tanzania School of Journalism (TSJ); College of Business Education (CBE) na Chuo cha kumbukumbu ya Mwl JK Nyerere. Sisi sote  tunalaani mwenendo uliyojengeka kwa wanasiasa wanaojiita “UKAWA“ kuvuruga Bunge Maalum la Katiba kwa sababu ambazo si za msingi. Kwanza walianzakudhalilisha wanazuoni wanaoonekana kutofautiana nao kimawazo kuhusu msimamo wao wa kutaka serikali tatu. Wanazuoni ambao wamekuwa wakidhalilishwa na kutungiwa uongo ni pamoja na Profesa Issa Shivji, Profesa Teddy Malyamkono, Profesa Nehemia Osoro, Dk. Francis Michael, na Dk. Kitila Mkumbo. Tungependa kuwataarifu  kuwa wanataaluma wana uhuru wa kutoa mawazo yaaniacademic freedom na kamwe hawawezi kukaa kimya wanapoona kuna jambo linaloweza kuifanya  nchi ikaangamia na kusambaratika. Wanazuoni  huamini katika “no research,  no data, no right to speak” kwani data zao za kiuchumi, kihistoria, kisiasa na kidiplomasia zinakataa muundo wa serikali tatu. Hoja ya kimsingi ni kuwa “UKAWA” imeanza juzi, je tafiti (research) wamezifanya lini za kuzipa nguvu hoja zao za kutaka serikali 3?
Tatizo lingine tunaloliona kwa “UKAWA” ni kujaribu kuwadhalilisha waasisi wa taifa letu hasa Mwl JK Nyerere na Sheikh Abeid Aman Karume. Je tusipomuamini Mwl Nyerere na Sheikh Karume tumuamini nani kati ya hawa ambao hatuna ushahidi wa uzalendo wao? kwani wapo wanasiasa ya aina yao ambao wametumika na mataifa ya kibeberu kuvuruga nchi zao na mpaka leo wananchi wao wanataabika mfano hai ni Misri, Tunisia, Morocco, Sudan Kusini, Somalia, Libya, Mali Na Afrika ya KatiHeshima walionayo  waasisi wetu Mwl Nyerere na Sheikh Karume ndani na nje ya Tanzania, sio ya kupuuzwa wala kufananishwa hata kidogo na yeyote yule miongoni mwa waliounda “UKAWA” zaidi ya kutumika kama mfano na kielelezo. Tunawashangaa baadhi ya wanasiasa wa “UKAWA” kuwakejeli waasisi wa taifa letu. Wanasiasa hawa ni Makamu wa kwanza wa Rais wa Serikali ya Mapinduzi ya Zanzibar, Maalim Seif Sharif Hamad, Profesa Ibrahim Haruna Lipumba, Mh. Tundu Lissu na Halima Mdee kwani wamesoma katika Chuo Kikuu cha Dar es Salaam kilichoasisiwa na waasisi wakuu wa taifa letu, Mwl JK Nyerere na Sheikh Karume. Hata wale wanasiasa wengine ambao hawakupata bahati ya kusoma Chuo Kikuu cha Dar es Salaam wamesoma kwenye shule za awali na vyuo vya elimu ya juu ambavyo vina msingi wa utawala bora wa waasisi hawa wakuu wa taifa letu. Hivyo tunaona sio busara hata kidogo kukejeli mchango wao katika harakati za kuliendeleza taifa letu. Tunapenda kuwathibitishia watanzaia kuwa mawazo ya waasisi wa taifa letu hajachakaa na wala hayapitwa na wakati hata mara moja.
Sisi kwa mtazamo wetu kama vijana wasomi wazalendo wa vyuo vya elimu ya juu tunashauri yafuatayo;
  • Katiba bora haiwezi kupatikana kwa kususia vikao halali vya bunge maalum la katiba na maandamano, hivyo tunawasihi warejee bungeni ili waendelee na mchakato kutengeneza katiba. Hatua hii ya kurejea bungeni ikishindikana, warejeshe posho za vikao ambavyo hawajahudhuria.
  • Kutofautiana kimawazo kwa njia ya kujenga hoja ndio demokrasia pevu yenye dhana ya “wachache wasikilizwe na wengi wapewe” ambayo ni moja ya misingi mikuu ya demokrasia itakayotupatia “Katiba Bora” ya sasa na vizazi vijavyo.
  •  Lazima wafahamu kuwa maridhiano ndio njia pekee ya kupata “Katiba Bora” yenye kuleta “Elimu Bora”; “Kilimo Bora”; “Afya Bora”; “Uchumi Bora” na “Utawala Bora” kwa maisha bora ya mtanzania na pia kuifanya Tanzania kuendelea kuwa kisiwa cha amani na utulivu ili kupigiwa mfano na kuwa kimbilio la waafrika wenzetu wengi wanaotaabika kwa kuzikimbia nchi zao kwa machafuko yanachochewa na mabeberu wa siasa na uchumi duniani. 
  • Tunawasihi wenzetu wazingatie umuhimu wa kulinda, kudumisha, kustawisha na kuiendeleza amani katika kipindi cha kutengeneza katiba na baada ya mchakato. Tusipojiangalia tutakuwa kama wenzetu Misri, Tunisia, Morocco, Sudan Kusini, Somalia, Libya, Mali na Afrika ya Kati. Tunaamini kwa kuangalia hali za kisiasa za nchi nyingi za Afrika tunaamini kuwa siasa ya Tanzania ni safi na hakuna haja ya kuhamasisha chuki, uzandiki, uzushi, uongo maandamano na uasi ambao ni sumu kali ya umoja (muungano), amani na uhai wa taifa letu tukufu la Tanzania.
  • Watanzania na wanasiasa wafahamu kwamba mataifa kama Marekani na Uingereza yametawala dunia kwa sababu ya umoja wao. Tunaomba tujifunze kwa yaliyotokea Urusi, leo hii imeona umuhimu wa kuzirudisha nchi ambazo zilisambaratika kutoka kwenye serikali ya umoja wa nchi za kijamaa za kisovieti (USSR). Sisi vijana wa kizazi kipya tunawashauri wenzetu waulinde muungano kwa gharama yeyote na muungano huwa haupitwi na wakati. Tunajiuliza kwa wenzetu wa Ulaya na Marekani ambayo miungano yao imedumu kwa karne zaidi ya tano na sita. Je huko hakuna vijana wa vizazi vipya? Sisi tunaona kuwa wanaodai Utanganyika na Uzanzibari ni wakabila na wabaguzi wanaotaka kuturudisha enzi za ukoloni.
  • Tunamuomba Mwenyekiti wa Bunge Maalum azingatie kwamba Bunge Maalum la Katiba si la “UKAWA” ni la watanzania. Hivyo basi liendelee kwa kasi na ufanisi zaidi na lisiyumbishwe na hasira za wachache wanaojiita “UKAWA” kutokana na ukweli kwamba gharama, muda na nguvu  kubwa vimetumika mpaka sasa. Tunaomba bunge liendelee ili kuwapatia watanzania katiba iliyo bora.
Mungu Ibariki Tanzania, Mungu Ibariki Afrika
Imetolewa na Gulatone Masiga, Mwanafunzi UDSM
Kwa niaba vijana wazalendo wa Vyuo vya elimu ya juu Dar es Salaam (FS)

Tuesday, April 22, 2014

TAMKO LA KULAANI VURUGU KATIKA BUNGE MAALUM LA KATIBA


wanafuzi_4dd6a.jpg
Mwanafunzi kutoka Chuo Kikuu cha Dar es Salaam Gulatone Masiga akifafanua jambo kwa waandishi wa Habari(hawapo pichani), kushoto ni Acbert Sweya kutoka Chuo Kikuu cha Kampala wakati wa Mkutano uliofanyika katika Ukumbi wa Idara ya Habari(MAELEZO) Leo Jijini Dar es Salaam.
VIJANA WAZALENDO WA VYUO VYA ELIMU YA JUU DAR ES SALAAM
TAMKO LA KULAANI VURUGU ZINAZOJITOKEZA KATIKA BUNGE MAALUM LA KATIBA.
Sisi wanafunzi  wasomi katika vyuo vikuu mbalimbali vilivyoko Dar es Salaam (Chuo Kikuu cha Dar es Salaam (UDSM); Chuo Kikuu cha Ardhi (ARU); Dar es Salaam University College of Education (DUCE); USTAWI WA JAMII; Chuo Kikuu cha Mtakatifu John (St. John); Chuo cha Usimamizi wa Fedha (IFM); Open University of Tanzania (OUT); Kampala International University (KIU); Dar es Salaam Institute of Technology (DIT); Institute of Adult Education (IAE); Tanzania School of Journalism (TSJ); College of Business Education (CBE) na Chuo cha kumbukumbu ya Mwl JK Nyerere. Sisi sote  tunalaani mwenendo uliyojengeka kwa wanasiasa wanaojiita “UKAWA“ kuvuruga Bunge Maalum la Katiba kwa sababu ambazo si za msingi. Kwanza walianzakudhalilisha wanazuoni wanaoonekana kutofautiana nao kimawazo kuhusu msimamo wao wa kutaka serikali tatu. Wanazuoni ambao wamekuwa wakidhalilishwa na kutungiwa uongo ni pamoja na Profesa Issa Shivji, Profesa Teddy Malyamkono, Profesa Nehemia Osoro, Dk. Francis Michael, na Dk. Kitila Mkumbo. Tungependa kuwataarifu  kuwa wanataaluma wana uhuru wa kutoa mawazo yaaniacademic freedom na kamwe hawawezi kukaa kimya wanapoona kuna jambo linaloweza kuifanya  nchi ikaangamia na kusambaratika. Wanazuoni  huamini katika “no research,  no data, no right to speak” kwani data zao za kiuchumi, kihistoria, kisiasa na kidiplomasia zinakataa muundo wa serikali tatu. Hoja ya kimsingi ni kuwa “UKAWA” imeanza juzi, je tafiti (research) wamezifanya lini za kuzipa nguvu hoja zao za kutaka serikali 3?
Tatizo lingine tunaloliona kwa “UKAWA” ni kujaribu kuwadhalilisha waasisi wa taifa letu hasa Mwl JK Nyerere na Sheikh Abeid Aman Karume. Je tusipomuamini Mwl Nyerere na Sheikh Karume tumuamini nani kati ya hawa ambao hatuna ushahidi wa uzalendo wao? kwani wapo wanasiasa ya aina yao ambao wametumika na mataifa ya kibeberu kuvuruga nchi zao na mpaka leo wananchi wao wanataabika mfano hai ni Misri, Tunisia, Morocco, Sudan Kusini, Somalia, Libya, Mali Na Afrika ya KatiHeshima walionayo  waasisi wetu Mwl Nyerere na Sheikh Karume ndani na nje ya Tanzania, sio ya kupuuzwa wala kufananishwa hata kidogo na yeyote yule miongoni mwa waliounda “UKAWA” zaidi ya kutumika kama mfano na kielelezo. Tunawashangaa baadhi ya wanasiasa wa “UKAWA” kuwakejeli waasisi wa taifa letu. Wanasiasa hawa ni Makamu wa kwanza wa Rais wa Serikali ya Mapinduzi ya Zanzibar, Maalim Seif Sharif Hamad, Profesa Ibrahim Haruna Lipumba, Mh. Tundu Lissu na Halima Mdee kwani wamesoma katika Chuo Kikuu cha Dar es Salaam kilichoasisiwa na waasisi wakuu wa taifa letu, Mwl JK Nyerere na Sheikh Karume. Hata wale wanasiasa wengine ambao hawakupata bahati ya kusoma Chuo Kikuu cha Dar es Salaam wamesoma kwenye shule za awali na vyuo vya elimu ya juu ambavyo vina msingi wa utawala bora wa waasisi hawa wakuu wa taifa letu. Hivyo tunaona sio busara hata kidogo kukejeli mchango wao katika harakati za kuliendeleza taifa letu. Tunapenda kuwathibitishia watanzaia kuwa mawazo ya waasisi wa taifa letu hajachakaa na wala hayapitwa na wakati hata mara moja.
Sisi kwa mtazamo wetu kama vijana wasomi wazalendo wa vyuo vya elimu ya juu tunashauri yafuatayo;
  • Katiba bora haiwezi kupatikana kwa kususia vikao halali vya bunge maalum la katiba na maandamano, hivyo tunawasihi warejee bungeni ili waendelee na mchakato kutengeneza katiba. Hatua hii ya kurejea bungeni ikishindikana, warejeshe posho za vikao ambavyo hawajahudhuria.
  • Kutofautiana kimawazo kwa njia ya kujenga hoja ndio demokrasia pevu yenye dhana ya “wachache wasikilizwe na wengi wapewe” ambayo ni moja ya misingi mikuu ya demokrasia itakayotupatia “Katiba Bora” ya sasa na vizazi vijavyo.
  •  Lazima wafahamu kuwa maridhiano ndio njia pekee ya kupata “Katiba Bora” yenye kuleta “Elimu Bora”; “Kilimo Bora”; “Afya Bora”; “Uchumi Bora” na “Utawala Bora” kwa maisha bora ya mtanzania na pia kuifanya Tanzania kuendelea kuwa kisiwa cha amani na utulivu ili kupigiwa mfano na kuwa kimbilio la waafrika wenzetu wengi wanaotaabika kwa kuzikimbia nchi zao kwa machafuko yanachochewa na mabeberu wa siasa na uchumi duniani. 
  • Tunawasihi wenzetu wazingatie umuhimu wa kulinda, kudumisha, kustawisha na kuiendeleza amani katika kipindi cha kutengeneza katiba na baada ya mchakato. Tusipojiangalia tutakuwa kama wenzetu Misri, Tunisia, Morocco, Sudan Kusini, Somalia, Libya, Mali na Afrika ya Kati. Tunaamini kwa kuangalia hali za kisiasa za nchi nyingi za Afrika tunaamini kuwa siasa ya Tanzania ni safi na hakuna haja ya kuhamasisha chuki, uzandiki, uzushi, uongo maandamano na uasi ambao ni sumu kali ya umoja (muungano), amani na uhai wa taifa letu tukufu la Tanzania.
  • Watanzania na wanasiasa wafahamu kwamba mataifa kama Marekani na Uingereza yametawala dunia kwa sababu ya umoja wao. Tunaomba tujifunze kwa yaliyotokea Urusi, leo hii imeona umuhimu wa kuzirudisha nchi ambazo zilisambaratika kutoka kwenye serikali ya umoja wa nchi za kijamaa za kisovieti (USSR). Sisi vijana wa kizazi kipya tunawashauri wenzetu waulinde muungano kwa gharama yeyote na muungano huwa haupitwi na wakati. Tunajiuliza kwa wenzetu wa Ulaya na Marekani ambayo miungano yao imedumu kwa karne zaidi ya tano na sita. Je huko hakuna vijana wa vizazi vipya? Sisi tunaona kuwa wanaodai Utanganyika na Uzanzibari ni wakabila na wabaguzi wanaotaka kuturudisha enzi za ukoloni.
  • Tunamuomba Mwenyekiti wa Bunge Maalum azingatie kwamba Bunge Maalum la Katiba si la “UKAWA” ni la watanzania. Hivyo basi liendelee kwa kasi na ufanisi zaidi na lisiyumbishwe na hasira za wachache wanaojiita “UKAWA” kutokana na ukweli kwamba gharama, muda na nguvu  kubwa vimetumika mpaka sasa. Tunaomba bunge liendelee ili kuwapatia watanzania katiba iliyo bora.
Mungu Ibariki Tanzania, Mungu Ibariki Afrika
Imetolewa na Gulatone Masiga, Mwanafunzi UDSM
Kwa niaba vijana wazalendo wa Vyuo vya elimu ya juu Dar es Salaam (FS)

WATU 113 WATHIBITISHWA KUFARIKI KOREA KUSINI


Idadi ya watu waliofariki kutokana na ajali ya feri iliyozama wiki jana nchini Korea Kusini imefika 113.
Wapiga mbizi walipata miili zaidi hii leo ndani ya Feri hiyo . Wamekuwa wakijaribu kufikia sehemu ya mkahawa wa feri hiyo ambako wanatarajia kupata miili zaidi .
Watu 190 bado hawajapatikana , wengi wao wakiwa ni wanafunzi wa shule ya sekondari iliyo karibu na mji mkuu Seol.
Wahudumu wa feri hiyo bado wanazuiliwa kwa kusababisha ajali hiyo hasa baada ya Rais wa taifa hilo kusema hapo jana kuwa kitendo chao kinatosha kuwa mauaji.
Maafisa wanasema wataanza juhudi za kuiondoa Feri hiyo kutoka majini Siku ya Alhamisi baada ya mashauriano na ndugu wa waathiriwa wa ajali hiyo.
Kufikia sasa watu 113 wamethibitishwa kufariki
Feri hiyo ilizama katika muda wa saa mbili wiki jana na haijulikani kilichosababisha ajali hiyo.
Wafanyakazi wa feri hiyo wanalaumiwa kwa kukosa kuwaokoa abiria wengi waliokuwa wameabiri feri hiyo.
Watano kati yao tayari wamefunguliwa mashitaka ya kuzembea katika kazi ya kuwaokoa waathirwa.
Wakati meli hiyo ilipokuwa inazama, abiria wanadai kuwa waliambiwa kusalia ndani ya ferry na kujifungia katika baadhi ya vyumba huku kukizuka hali ya wasiwasi ikiwa abiria waondoke kwenye Feri.
Inaarifiwa kilio cha kwanza cha kutaka msaada kilitoka kwa kijana mmoja akiwa na uoga na kisha kufuatiwa na simu nyingine kutoka kwa wanafunzi 20 wakitaka kusaidiwa.
Takriban abiria 174 waliokolewa kutoka kwa feri hiyo iliyokuwa imewabeba watu 476 ikiwemo wanafunzi 339 pamoja na walimu waliokuwa wanafanya ziara ya kimasomo
CHANZO:BBC

Tazama Picha Mbalimbali Kutoka Bunge Maalum la Katiba Mjini Dodoma Leo


Mjumbe wa Bunge Maalum la Katiba, Ezekiah Oluoch, akizungumza na waandishi wa habari leo katika ukumbi wa Bunge mjini Dodoma ambapo aliwasisitiza UKAWA kurudi ndani ya Bunge hilo.
Naibu Katibu wa Bunge Maalum ambaye ni Katibu wa Bunge la Jamhuri ya Muungano wa Tanzania Dkt. Thomas Kashillah (mwenye miwani) akibadlishana mawazo na Wajumbe wa Bunge Maalum la Katiba leo mjini Dodoma kabla ya kuanza kwa kikao cha asubuhi
 
Mwenyekiti wa Bunge Maalum la Katiba Samuel Sitta(kulia) akibadlishana mawazo Mjumbe wa Bunge hilo Rashid Mtuta (kushoto) leo mjini Dodoma kabla ya kuanza kwa kikao cha asubuhi
Mjumbe wa Bunge Maalum la Katiba, Ezekiah Oluoch, akizungumza na waandishi wa habari leo katika ukumbi wa Bunge mjini Dodoma ambapo aliwasisitiza UKAWA kurudi ndani ya Bunge hilo.
Mwenyekiti wa Bunge Maalum la Katiba Samuel Sitta akiwasili kwenye ukumbi wa Bunge kwa ajili kuendesha na kusimamia mjadala kuhusu maboresho ya Sura ya Kwanza na Sita ya Rasimu ya Katiba mpya.leo mjini Dodoma kabla ya kuanza kwa kikao cha asubuhi

FAHAMU HISTORIA YA MAISHA YA MOYES NDANI YA MAN UNITED KABLA YA KUTIMULIWA LEO


KUNA taarifa zimezagaa kuwa kocha wa Manchester United, David Moyes amefukuzwa kazi, japokuwa haijathibitishwa na familia ya Glazer ambao ndio wamiliki wa klabu hiyo.

DAVID MOYES' UNITED RECORD

Played (all competitions): 51

Won: 27
Drawn: 9
Lost: 15
Biggest win: Bayer Leverkusen 0-5 Manchester United (Champions League)

Biggest defeats: Manchester City 4-1 Manchester United and Manchester 0-3 Liverpool (both Premier League) 
CUP RECORD
Champions League: Quarterfinals

FA Cup: Third round
Capital One Cup: Semifinals
Community Shield: Winners

Inasemekana familia ya Glazer imefikia maamuzi ya kumfukuza kazi bosi huyo wa Man United ikiwa ni miezi 11 tu tangu arithi mikoba ya Sir Alex Ferguson.

Msemaji wa Man United amegoma kueleza kama kweli Moyes amefukuzwa kazi, lakini imefahamika kuwa kocha huyo hatakuwepo katika mchezo ujao dhidi ya Nowrich City kwenye uwanja wa Old Trafford jumamosi .

Kocha mchezaji Ryan Giggs anatarajiwa kuiongoza Man United mpaka mwishoni mwa msimu, na wakati huo huo wasaidizi wa Moyes Steve Round, Phil Neville na Jimmy Lumsden pia wanatarajiwa kuondoka na bosi wao.

Kocha wa kudumu wa Mashetani wekundu anatarajiwa kutangazwa mwishoni mwa msimu huu.

Familia ya Glazer amechukizwa na kipigo cha jana cha mabao 2-0 dhidi ya Everton na kuwa mechi ya 11 kwa Man United kupoteza katika mashindano yote mwaka huu.

Moyes alisaini mkataba wa miaka 6 mwezi mei mwaka jana kurithi mikoba ya Sir Ferguson aliyestaafu, lakini ameshindwa kupata mafaniko.

Baada ya familia Glazer kufahamu kuwa Man United haitamaliza ligi katika nafasi nne za juu, wameamua kuotesha nyasi kibarua cha Moyes.

Man United wanaelekea kuwa mabingwa watetezi waliofanya vibaya zaidi katika historia ya ligi kuu England kwa kuwa nafasi ya 7 na kwa mara mwisho Ray Harford alifanya hivyo na Blackburn Rovers mwaka 1996. Pia wanatarajia kukosa hata ligi ya Europa msimu ujao.

Bodi ya ukurugenzi ya Man United imekuwa ikimvumilia Moyes kwa matokeo mabaya, lakini walikerwa sana hasa walipofungwa nyumbani na wapinzani wao wakubwa Liverpool na Manchester mwezi uliopita.
Imefahimika hata wachezaji muhimu wa Man United wakiwemo , Robin van Persie, Nemanja Vidic, Rio Ferdinand, Danny Welbeck, Javier Hernandez na Giggs, hawana furaha na Moyes.

Mtandao huu unafuatilia `ngado kwa ngado` kujua hatima ya Moyes

CHANZO.MATUKIO TZ

CCM MEATU YAZIDI KUJIIMARISHA


  • Mwenezi wa Chadema Wilaya ya Meatu arudi CCM pamoja na viongozi wengine wa Chadema 
  • Lugaila Madama aliyekuwa Mwenyekiti wa Chadema kata ya Mwandoya arudi CCM
  • Miyeye Robert aliyekuwa mwenyekiti wa Chadema kata ya Kisesa arudi CCM
 Aliyekuwa Katibu Mwenezi wa Chadema wilaya ya Meatu Kimwaga Jackson Ndibo akirudisha vitu vya Chadema zikiwemo kadi, bendera na katiba kwa viongozi wa CCM baada ya kurudi rasmi.
 Mwenyekiti wa Vijana  mkoa wa Simiyu na MNEC wa Itilima Ndugu Njalu Silanga akikabdihi kadi ya CCM kwa  moja ya viongozi wa Chadema Meatu waliorudi CCM.
 Mwenyekiti wa Vijana  mkoa wa Simiyu na MNEC wa Itilima Ndugu Njalu Silanga akihutubia wakazi wa wilaya ya Meatu na kuwahakikishia wananchi hao CCM imejipanga kuendelea kuleta maendeleo ya nchini.
Mwenyekiti wa Vijana Mkoa wa Simiyu na Mjumbe wa Halmashauri Kuu ya Taifa wilaya ya Itilima Ndugu Njalu Silanga (wa katikati) akiwa pamoja na viongozi wa Chama wilaya ya Meatu

WACHEZAJI WA YANGA NA SABABU ZA KITOTO ZA KUSHINDWA KUIFUNGA SIMBA JUZI



DUNIANI kuna mambo, kwani beki wa Yanga Mbuyu Twite amesema inawezekana mashabiki jukwaani waliokuwa wakifuatilia mechi yao dhidi ya Simba juzi Jumamosi waliona kila kitu kinaenda sawa kwao,lakini ukweli ni kwamba yeye na wachezaji wenzake walikuwa wanajiona wazito kiasi cha kucheza chini ya kiwango. 
Mechi hiyo ya mwisho ya msimu wa Ligi Kuu Bara wa 2013/14 iliisha kwa sare ya bao 1-1, iliishuhudia Simba ikitawala sehemu ya kiungo kwa muda fulani kwa wachezaji wake Jonas Mkude na Said Ndemla kucheza wanavyotaka mbele ya Frank Domayo na Hassan Dilunga.

Lakini beki wa kulia wa Yanga, Twite alisema: “Tulikuwa hatujielewi uwanjani, ndiyo maana kuna wakati Simba walionekana kutawala sana kiungo maana ni kama tulifungwa mawe hivi, tulikuwa katika wakati mgumu tukiwa vyumbani wakati wa mapumziko baada ya kila mchezaji kulalamika kujiona mzito.

“Pumzi zilitubana muda wote hasa tuliokuwa tunakimbia sana uwanjani, nilishangaa sana kwani kabla ya kuja uwanjani hatukujisikia hivyo.”

Kuna taarifa zilizoeleza kuwa na hewa nzito katika chumba cha kubadilishia nguo cha wachezaji wa Yanga na alipotafutwa Daktari wa Yanga, Juma Sufiani alisema: “Kila mchezaji alikuwa akilalamika kuwa amekuwa mzito ghafla, hawakuwa hivyo kabla ya kufika uwanjani, siwezi kuthibitisha moja kwa moja kama kuna kitu kilipulizwa vyumbani au la. Tupe muda tufanye uchunguzi.” 
source; Mwanaspoti

WACHEZAJI WA YANGA NA SABABU ZA KITOTO ZA KUSHINDWA KUIFUNGA SIMBA JUZI



DUNIANI kuna mambo, kwani beki wa Yanga Mbuyu Twite amesema inawezekana mashabiki jukwaani waliokuwa wakifuatilia mechi yao dhidi ya Simba juzi Jumamosi waliona kila kitu kinaenda sawa kwao,lakini ukweli ni kwamba yeye na wachezaji wenzake walikuwa wanajiona wazito kiasi cha kucheza chini ya kiwango. 
Mechi hiyo ya mwisho ya msimu wa Ligi Kuu Bara wa 2013/14 iliisha kwa sare ya bao 1-1, iliishuhudia Simba ikitawala sehemu ya kiungo kwa muda fulani kwa wachezaji wake Jonas Mkude na Said Ndemla kucheza wanavyotaka mbele ya Frank Domayo na Hassan Dilunga.

Lakini beki wa kulia wa Yanga, Twite alisema: “Tulikuwa hatujielewi uwanjani, ndiyo maana kuna wakati Simba walionekana kutawala sana kiungo maana ni kama tulifungwa mawe hivi, tulikuwa katika wakati mgumu tukiwa vyumbani wakati wa mapumziko baada ya kila mchezaji kulalamika kujiona mzito.

“Pumzi zilitubana muda wote hasa tuliokuwa tunakimbia sana uwanjani, nilishangaa sana kwani kabla ya kuja uwanjani hatukujisikia hivyo.”

Kuna taarifa zilizoeleza kuwa na hewa nzito katika chumba cha kubadilishia nguo cha wachezaji wa Yanga na alipotafutwa Daktari wa Yanga, Juma Sufiani alisema: “Kila mchezaji alikuwa akilalamika kuwa amekuwa mzito ghafla, hawakuwa hivyo kabla ya kufika uwanjani, siwezi kuthibitisha moja kwa moja kama kuna kitu kilipulizwa vyumbani au la. Tupe muda tufanye uchunguzi.” 
source; Mwanaspoti

BINTI MIAKA 16 ATOA SIRI ZA FREEMASON


NI lipi hujasikia? Linaweza kuwa hili! Binti mmoja aliyetambulishwa kwa jina la  Fauzia (jina la mbele lipo), mwenye umri wa miaka 16, mkazi wa Kigogo jijini Dar amedai kutumikia nafasi ya umalkia katika imani yenye utata duniani ya Freemason, Uwazi linakudondoshea.
Binti Fauzia akiwa amepozi nyumbani kwao maeneo ya Kigogo jijini Dar es Salaam.
Binti huyo alikwenda mbele zaidi kwa kudai kwamba ili kujiunga na imani hiyo, alimuua mama yake mdogo kwa ajili ya kafara.
Akizungumza na gazeti hili siku chache baada ya kuokoka akiwa nyumbani kwa baba yake mdogo, Kigogo, Fauzia alisema alitokea Wilaya ya Kahama mkoani Shinyanga alipokuwa akiishi na bibi yake.
Alikuja Dar kwa lengo la kuendeleza mauaji ya kafara ambapo safari hii ilikuwa amuue mama yake mdogo mwingine ambaye ni mjamzito kwa sasa.
Alisema kama angefanikiwa kumuua, angepandishwa cheo na kuwa malkia kamili katika jamii hiyo inayotafsiriwa vibaya duniani.
ALIKOTOKEA
Fauzia alisema kuwa mara ya kwanza hakujua kama amekuwa mwanachama wa Freemason bali alichojua yeye alijiunga na uchawi wenye ushirika wa Kahama na Kigogo jijini Dar es Salaam ambapo mara kwa mara alikuwa akija Dar usiku na kufanya mambo ya kichawi kwa watu mbalimbali.
Alisema siku moja aliambiwa lazima amtoe uhai mama yake mdogo, naye kwa uwezo aliokuwa nao alifanya hivyo, mama yake mdogo akafa kwa kuugua ghafla.
Baada ya kifo cha mama yake mdogo, ndipo usiku mmoja bibi kizee mmoja (alimtaja jina) alimtokea katika ulimwengu wa kiroho na kumwambia alitakiwa aende kwenye Jiji la Lagos nchini Nigeria kwa ajili ya kutambulishwa rasmi na kupewa umalkia mdogo.
Baadhi ya vitu vinavyotumika kwa ajili ya kafara.
SAFARI YA NIGERIA ILIVYOKUWA
Akiendelea kuzungumza huku akionekana kujiamini licha ya umri wake mdogo, Fauzia alisema:
“Siku nilipoondoka kwenda Nigeria nilikuwa na wenzangu walionisindikiza. Ilikuwa ni safari ya kimiujiza. Tulipofika kule, wao waliniacha mahali, mimi nikajikuta nikitokea ndani ya jengo kubwa ambalo ndani yake nilikuta mtu mwenye asili ya Kiarabu.
“Yule mtu alinipokea na kuishi naye. Siku moja aliniambia Fauzia wewe una na nguvu mbili, za Freemason na uchawi,” alisema.
ASIMIKWA KUWA MALKIA MDOGO
Aliendelea kusema: “Ndipo siku moja ikafika, nikasimikwa kuwa malkia mdogo kwa kukabidhiwa gauni fupi jeupe na kitambaa cheupe cha kuvaa kichwani  (vilioneshwa kwa waandishi wa habari hii).
Hizi nguo ni dalili kwamba anayemiliki ni malkia mdogo. Unakuwa na uwezo wa kujua mambo yote ya siri ya kidunia yanayoendelea.
“Baada ya hapo,  nilirejea hapa nchini kwetu. Nilipokewa na bibi ambaye alikuja kimazingara. Bibi aliniuliza ni wapi nilikokuwa mpaka nimepata nguvu za Freemason wakati yeye alinikabidhi uchawi wa kawaida? Sikumjibu,” alisema Fauzia mbele ya baba yake mdogo na mama yake mdogo aliyekuwa amuue.
AKUMBUKA SIKU YA KWANZA KUJIUNGA NA FREEMASON
Katika mazungumzo hayo yaliyohudhuriwa pia na majirani, binti huyo akakumbuka jambo zito lililomtokea akiwa darasa la saba na kusema:
“Nakumbuka nikiwa darasa la saba, siku moja usiku niliota ndoto. Nilimwona mzee mmoja mwenye mapembe akinijia na kunikabidhi mikoba. Naamini yule mtu ndiyo aliniingiza kwenye Freemason kwani kuanzia pale ndipo nilipobadilika na kuwa na uwezo wa kuja Dar na kurudi Kahama kwa usiku moja.
“Basi, baada ya kurudi nyumbani Kahama, siku moja nikaambiwa na wakubwa wangu natakiwa kwenda nchini Marekani kwa ajili ya kuongeza nguvu za Freemason.
“Kule nilikaa kwa siku kadhaa na nikafundishwa mambo mengi ya ajabu, pia nilikutana na viongozi wakubwa wa kidini na kiserikali wa hapa nchini Tanzania (aliwataja majina).
MAISHA YA NYUMBANI AKIWA SAFARINI
“Ilivyokuwa ni kwamba, kila nilipokuwa safarini, nyumbani nilikuwa naacha jini lililofanana na mimi kwa kila kitu. Jini hilo lilifanya kazi nyumbani badala yangu pasipo mtu yeyote kufahamu wakijua ni mimi. Niliporudi na jini liliondoka.
ATOBOA SIRI ZA SCREEN TOUCH
“Nikiwa katika jengo la ajabu la Freemason nchini Marekani, niliona watu wengi wakitengeneza simu za kisasa ‘screen touch’ na televisheni za ‘flat screen’ nilipowauliza za nini? Walinijibu kuwa simu hizo zimewekwa kifaa maalumu cha kunyonya damu ya mtumiaji kutoka kwenye kidole chake kila mara atakapobofya.
“Zamani kulikuwa na simu zikitumia peni maalum kwenye screen lakini Freemason waliamua kuziondoa kwa kuwa hazikuwa zikiwapelekea damu. Hivyo mtumiaji wa simu za screen touch za sasa lazima aguse kwa kidole chake na si kwa kitu kingine ndipo ataweza kutumia simu yake ilimradi tu achangie damu yake kwenye benki za damu za Freemason zilizopo Marekani.”
KUHUSU TV FLAT SCREEN
Akifafanua kuhusu runinga za flat screen, Fauzia alisema kuwa, hizo zimewekewa kifaa chenye mionzi ya ki-Freemason ambacho humfanya mtu anayeangalia kila wakati kuwa zezeta huku vifo vya ghafla akivitaja kama matokeo makuu ya kuangalia televisheni hizo.
AZUNGUMZIA SURUALI MAARUFU ZA SKIN TIGHT
Mbali na hayo, binti huyo alizizungumzia suruali maarufu za wasichana zinazotambulika kwa jina la  ‘skin tight’ ambazo hubana.
Alisema suruali hizo zimewekwa nyuzi maalum za kijini ambazo husababisha mwanaume yeyote ambaye atamuona msichana akiwa katika vazi hilo amtamani kingono hata kama msichana huyo havutii.
PASAKA NA X-MASS
Binti huyo alizidi kutia hofu watu pale aliposema kuwa Sikukuu za Pasaka na X-Mass zimekuwa kubwa duniani kwa sababu Freemason wametia mkono kwa kuzikuza na kutumbukiza akilini mwa watu tabia ya dhambi.
“Wengi wanaziona sikukuu hizo ndiyo za kufanyia maasi, kama vile ngono, ulevi kupitiliza na kufuru nyingine na wanaopotezewa uhai kwa ajili ya sikukuu hizo ni wengi sana,” alisema.
KUHUSU KUMUUA MAMA YAKE MDOGO
Kuhusu jaribio la kumuua mama yake mdogo, Fauzia alisema alishindwa mara zote kwa kuwa alikuwa ‘mzito’. Aliwataarifu Freemason wenzake wamuue lakini nao walishindwa na kudai kuwa alikuwa akiwaka moto.
Alidai kuwa mama mdogo huyo hakujua lolote lililokuwa likiendelea mpaka pale alipofika mpwa wao ambaye ni mlokole na kumuombea Fauzia.
MJOMBA MTU AZUNGUMZA
Akizungumza na waandishi wetu, mjomba wa Fauzia aliyejitambulisha kwa jina la Gervas ambaye ni mlokole, alisema kuwa kila mara alipokuwa akimuangalia binti huyo, alihisi ana mambo tofauti na binadamu wengine.
Alisema: “Siku moja nilimsikia roho wa Mungu akiniongoza kufika nyumbani hapa na kuomba. Nilijikuta nikimuita Fauzia na kuanza kumuombea.
“Nilishangaa sana kumwona  akipandisha mashetani na kuzungumza mambo ya kutisha aliyodai kuyafanya kwa siri. Baada ya  maombi ya muda mrefu nikisaidiwa na familia yangu ndipo nilipovitoa vifaa vya ajabu.”
BABA MDOGO AZUMGUMZA
Akizungumza na waandishi wetu, baba mdogo wa Fauzia aliyejitambulisha kwa jina la Amos Deda ambaye anaishi na binti huyo Kigogo na ambaye mke wake ndiyo alikuwa auawe, alisema:
“Sikuwa nikiamini kabisa kuhusiana na masuala haya mpaka nilipojionea mwenyewe vifaa hivi vya kichawi vya Freemason vikitolewa na mjomba wake.
“Fauzia ameniomba msamaha, pia ameomba msamaha kwa familia. Lakini pia akasema ajali iliyomvunja miguu shangazi yake miaka ya nyuma na kumuua mtoto wa shangazi yake huyo aliisababisha yeye, pia akaomba msamaha. Tumeupokea.”
Pia Fauzia aliiomba radhi kwa familia ya mama yake mdogo ambapo alidai kumuua mama huyo kwa kushirikiana na mkubwa wake mwingine.
NENO LA MWISHO
“Kwa sasa nimeokoka, nimeachana kabisa na mambo haya,  zaidi ninamtumikia Mungu kwa nguvu zangu zote,” alisema Fauzia.

MAASKOFU 32 KATOLIKI WATAKA TUME YA WARIOBA IHESHIMIWE


Askofu wa Kanisa Katoliki Jimbo la Zanzibar, Augustino Shao akiwasha Mshumaa  wa Pasaka wakati wa Misa ya mkesha wa Pasaka uliofanyika kwenye Kanisa la Kuu la Makatifu Joseph, Zanzibar jana. Picha na Martin Kabemba
Ni katika waraka maalumu unaoitwa ‘Ujumbe wa kichungaji wa Pasaka kwa waamini na watu wote wenye mapenzi mema.Maaskofu 32 wa Kanisa Katoliki Tanzania, wametoa waraka maalumu wa Pasaka wakiwataka wajumbe wa Bunge Maalumu la Katiba kuheshimu maoni ya Watanzania yaliyomo katika Rasimu ya Katiba na kuweka pembeni itikadi za kisiasa katika mchakato wa kuandika Katiba Mpya.Kupitia tamko lao la pamoja walilolitoa jana na kulipa jina la “Ujumbe wa kichungaji wa Pasaka kwa waamini na watu wote wenye mapenzi mema,” maaskofu hao walisema hivi sasa kuna makundi yenye nguvu ambayo yameanza kushinikiza kuingizwa mambo yenye masilahi kwao kwenye Katiba
“Tunalisihi na kulishauri Bunge Maalumu la Katiba kuheshimu mawazo yaliyowasilishwa na kutumia busara zilizopendekezwa za kujenga muundo wa Muungano utakaokidhi mahitaji ya utangamano, mshikamano, amani, maadili, uhuru na uwajibikaji wa viongozi na raia wa Tanzania,” walisema katika tamko hilo ambalo, Makamu wa Rais wa TEC, Askofu Severine Niwemugizi alithibitisha kuwa umetolewa na kanisa hilo.
Kauli ya viongozi hao ambayo ilisomwa katika makanisa mbalimbali nchini jana, imekuja ikiwa zimepita siku sita tangu Umoja wa Katiba ya Wananchi (Ukawa) kususia vikao vya Bunge Maalumu la Katiba kutokana na mvutano unaoendelea juu ya hoja ya muundo wa Serikali.
Tangu kuanza kwa Bunge hilo kumekuwa na mvutano kuhusu muundo wa Serikali, huku CCM kikiupinga muundo wa serikali tatu uliopendekezwa na Tume ya Mabadiliko ya Katiba na kutaka muundo wa serikali mbili, ambao unapingwa na upinzani.
“Kazi ya kuandika Katiba ni ngumu na haishangazi kuona migongano ya hoja kwa makundi kinzani. Mawazo ya wengi yamewasilishwa kisheria na Tume ya Mabadiliko ya Katiba kwa ajili ya kujadiliwa na Bunge Maalumu la Katiba,” inasomeka sehemu ya tamko hilo ambalo limechapishwa kwa ukamilifu katika ukurasa wa 6 wa gazeti hili na kuongeza:
“Sasa, tunashuhudia makundi yenye nguvu yakijaribu kushinikiza kuingizwa matakwa yake kwenye Katiba kwa njia zozote zile ili kujihakikishia kuendelea kulinda masilahi yake ya kisiasa.”
Maaskofu hao ambao majina yao yameorodheshwa kwenye waraka huo, wamewataka wajumbe wa Bunge hilo kuachana na itikadi za kisiasa ili kufikia mwafaka katika masuala muhimu yatakayowahakikishia raia wa kawaida kushiriki kwenye fursa za maendeleo kwa manufaa ya wote.
Huku wakitolea mfano umoja, amani na utulivu nchini ambao umekuwa kimbilio kwa mataifa mengine, walisema hivi sasa kuna dosari kadhaa katika umoja wa Watanzania.
“Kupungua kwa hisia za kujisikia watu wote ni taifa moja, ni dosari iliyoanza kukua taratibu na sasa inaonekana kuwa ndiyo ukweli,” walisema.
Walisema kasoro zilizojitokeza katika mambo mbalimbali ndiyo chanzo cha watu kutaka mabadiliko: “Watu wengi walitaka na wanataka mabadiliko au mageuzi ya msingi. Kwa msukumo huo ndiyo sababu ya kuingia katika mchakato wa kuandika Katiba Mpya.”
Walisema Watanzania hawatakiwi kukata tamaa, huku wakiwakata watu wenye nia njema kushirikiana na  kupambana na nguvu za maovu na ubinafsi na kuachana na itikadi za kisiasa ili kupigania haki za wanyonge.
“Tuandae Katiba ambayo itatupatia misingi imara ya maadili itakayotuongoza kupigana dhidi ya ubinafsi na ufisadi na kutetea haki za binadamu kwa wote,” walisema.
Hata hivyo, walisema iwapo utakuwapo muafaka na kukubaliana katika mambo muhimu kwa maisha ya mshikamano wa kitaifa ambayo katika Rasimu ya Katiba yameandikwa kwenye sura ya kwanza hadi ya tano, muundo wowote wa serikali unawezekana.
Walisema ili kufikia lengo la kuwa na Katiba bora ni lazima maoni ya Tume ya Mabadiliko ya Katiba yaheshimiwe kama ambavyo imetamka Sheria ya Mabadiliko ya Katiba.
“Kuwe na nia njema ya kutafuta suluhisho la matatizo mengi ya utendaji katika dola zilizopo katika Muungano, kutokuwa wabinafsi pamoja na kuchambua matatizo ya sasa ya Muungano na kuridhia mfumo utakaomaliza matatizo hayo,” walisema.
Akizungumzia waraka huo, Mwenyekiti wa NCCR-Mageuzi, James Mbatia alisema ameusikia ukisomwa na Askofu Augustino Shao wa Jimbo Katoliki Zanzibar na kuelezea kufurahishwa na yaliyomo.
Malasusa aonya
Kwa upande wake Mkuu wa Kanisa la Kiinjili la Kilutheri Tanzania (KKKT), Askofu Dk Alex Malasusa alisema wanasiasa wanatakiwa  kutambua kuwa Katiba Mpya si mali yao, bali ya Watanzania wote.
Akizungumza katika ibada ya Pasaka katika Kanisa la Azania Front jana Malasusa ambaye pia ni Askofu wa Dayosisi ya Mashariki na Pwani, alisema: “Katiba Mpya itapatikana kama watu wakiheshimiana, kuridhiana na kuaminiana. Waliapa kufanya kazi bila upendeleo na hilo ni lazima walizingatie.”
Alisema kazi ya kuandika Katiba ni ngumu na kwamba licha ya misuguano ya wajumbe wa Bunge hilo bado wanatakiwa kuweka tofauti zao za kisiasa pembeni na kufikiria mustakabali wa taifa.
“Hatupendi kuona kundi lililoshindwa na lililoshinda. Tunachotaka kukiona ni Katiba itakayowaweka Watanzania pamoja,” alisema.
Ibada hiyo iliyofanyika kitaifa katika kanisa hilo ilihudhuriwa na aliyewahi kuwa Waziri Mkuu, Edward Lowassa na Mkuu wa Jeshi la Polisi Tanzania (IGP), Ernest Mangu.
MWANANCHI