.

.

Join The Community

Premium WordPress Themes

Sunday, October 13, 2013

PICHA MBALIMBALI ZA MWANDISHI WA HABARI WA ITV AKIWA HOSPITAL BAADA YA KUFANYIWA UPASUAJI WA KUONDOA RISASI



 Manesi wakimpeleka Ufoo wodini. Baadhi ya waandishi na wananchi wakiwa wamekusanyika katika Hospitali ya Taifa Muhimbili kujua hali ya Ufoo.
  Mtangazaji wa ITV na Radio One Ufoo Saro
 -----
Imeripotiwa kuwa mtu mmoja anayedaiwa kuwa alikuwa mume mtarajiwa (mchumba) wa Ufoo Saro aliyefahamika kwa jina la Ateri Mushi, amempiga risasi mwandishi wa habari na ripota wa ITV, Ufoo Saro na  Anastazia Saro (mama mzazi wa Ufoo Saro) na kisha kujipiga risasi mwenyewe.

Akizungumza na Ruben Mchome, Kamanda wa polisi wa Mkoa wa Kipolisi wa Kinondoni, Wambura amesema tukio hilo 
limetokea majira ya alfajiri ya leo.

Mwanaume aliyefanya mauaji hayo alikuwa anafanya kazi kasika Shirika la Umoja wa Mataifa (UN) nchini Sudan. Haijafahamika mapema bado kuwa alikuwa akifanya kazi gani wala katika kitengo gani.

Kamanda Wambura anasema inasemekana kulikua kuna ugomvi kati ya wawili hao ambapo walishindwa kuelewana na ndipo walipoamua kwenda kwa mama mzazi wa Ufoo Saro (mama mkwe). Alipofika huko inadaiwa kuwa mwanaume huyo alimshutumu mama mkwe wake kwamba anamtetea mwanaye (Ufoo Saro). Ndipo mwanaume huyo alipotoa bastola na kumpiga mama wa Ufoo Saro risasi kichwani na kumuua papo hapo na kisha akampiga Ufoo Saro risasi ya mbili, moja ya tumboni na nyingine mguuni. Inasadikiwa kuwa kwa kudhani kwamba amewaua wote, ndipo naye alipojifyatulia risasi kidevuni na kufariki dunia hapo hapo.

Nukuu nyingine kutoka kwenye mitandao jamii zinasema, akizungumza kwa njia ya simu, Steven Chuwa wa ITV amesema tukio hilo limetokea kwenye nyumba alikokuwa akiishi mama wa Ufoo Saro, Kimbamba nje kidogo ya jiji la Dar es Salaam.

Imeelezwa kuwa  Ufoo alikimbizwa katika hospitali teule ya Tumbi (Kibaha) katika jitihada za kuuokoa uhai wake na baadaye alihamishiwa kwenye hospitali ya Taifa ya Muhimbili katika kitengo cha wagonjwa wanaohitaji uangalizi maalumu (ICU).

Taarifa nyingine zinasema Mushi aliwasili nchini jana na  kufikia nyumbani kwa Ufoo alfajiri ya leo na kisha wawili hao ndipo walipoondoka kuelekea nyumbani kwa mama mzazi wa Ufoo ili kutafuta suluhisho la kutoelewana kwao.


0 MAONI: